Stylus troch Stylus Team, Jeremy Schomery

Net ‘ish’, mar ‘us’, as yn ‘ús’, de brûkers sels. Stylus is in fork fan Stylish-for-Chrome en losjes basearre op de boarnekoade fan ferzje 1.5.2, wat de meast aktuele ferzje wie eardat de oarspronklike ûntwikkeler de wurksumheden oan it projekt staakt hat. De mearderheid fan de koade is opnij skreaun om prestaasjes te optimalisearjen. Stylus is boud op it WebExtensions-platfoarm, dus sil wurkje bliuwe sa gau as Mozilla alle oare typen add-ons yn de ban docht.

Stylus is makke troch brûkers, foar brûkers, as antwurd op it feit dat Stylish oernommen is troch in nij ûntwikkelteam. Stylish-for-Chrome befettet no wiidweidige analysefunksjes dy't standert ynskeakele binne, en de UI is foar normale brûkers ferienfâldige, wêrtroch it foar betûfte brûkers dy't wurklik stilen meitsje en bewurkje in protte minder brûkersfreonlik wurden is. Sa gau as it ferâldere Stylish-for-Firefox net mear stipe wurdt, wurdt dit wierskynlik deselfe ferzje dy't fan Chrome nei Firefox portearre wurdt. Wy hawwe ferskate oanfragen foar it útbringen fan in ferzje fan Stylus foar Firefox ûntfongen, dus hjir is it.

Inkelde wichtige foardielen tsjinoer it ferâldere Stylish-for-Firefox binne in modernere UI, in back-upfunksje dy't kompatibel is mei Chrome (Stylus of Stylish), plus in mear yntuïtive en oanpasbere funksje foar it automatysk bywurkjen fan stilen. Spitigernôch is it jaan fan stilen oan de browser-UI en ynterne siden fanwegen befeiligingsbeheiningen yn it WebExtensions-platfoarm net tastien.

Nuttige keppelingen:
* Boarnekoade: https://github.com/openstyles/stylus
* Side mei FAQ’s: http://add0n.com/stylus.html
* Oan de slach mei Stylus: https://www.youtube.com/watch?v=fCVvGwoF5cQ
* Technyske bugrapporten: https://github.com/openstyles/stylus/issues
* Algemiene diskusje en bugrapporten: http://add0n.com/stylus.html#reviews
* Lokalisaasje: https://www.transifex.com/github-7/Stylus/dashboard/

Privacybelied:
Yn tsjinstelling ta oare fergelykbere útwreidingen fine wy jo hielendal net sa ynteressant. Jo dubieuze browserskiednis heart wat tusken jo en de NSA te bliuwen. Stylus sammelet neat. Punt.

Firefox-relatearre opmerkingen:
Lês http://add0n.com/stylus.html#faq5 foar it ymportearjen fan stilen fan de Stylish-add-on út. 14
Note that both the exporter add-on and Stylish add-on only work on Firefox version < 57. Hâld der rekkening mei dat sawol de eksportear-add-on as de Stylish-add-on allinnich wurkje yn Firefox-ferzjes < 57.