Addon.mozilla.org (AMO) jo oficielne sedło Mozilla za pytanje a instalěrowanje dodankow za wobglědowak Firefox. Pśidajśo nowe funkcije Firefox, pólěpšćo swóje interakcije z webwopśimjeśim a změńśo wenkowny naglěd swójogo wobglědowaka, aby swóje pśeglědowańske dožywjenje změnił a pśiměrił.
Jolic dodanki za Thunderbird abo SeaMonkey pytaśo, woglědajśo se pšosym k addons.thunderbird.net abo addons.thunderbird.net//seamonkey.
Zgromaźeństwo wuwijarjow
How nalicone dodanki su se wót towzyntow wuwijarjow a designerow drastwow z cełego swěta napórali, kótarež wót jadnotliwych hobbyjowych wuwijarjowy až k wjelikim pśedewześam dosegaju. Někotare dodanki nalicone na AMO su awtomatiski wózjawjone a mógu pśeglědanjeju teama wobźěłarjow pódlažaś, gaž se zjawnje pokazuju.
Cyńśo sobu
Mozilla jo za wšykne wužytny zašćitowaŕ interneta, wuwijamy Firefox, aby jen strowy, wótwórjony a pśistupny źaržali. Dodanki pódpěraju wólbu wužywarjow a pśiměrjobnosć w Firefox a móžośo na slědujucu wašnju sobu pomagaś:
- Napórajśo swójski dodank. Bitujomy dermotne góspodowanje a aktualizěrowańske słužby a móžomy wam pomagaś, wjeliki krejz wužywarjow dostaś.
- Pomagajśo toś to websedło pólěpšyś. Jo wótwórjonego žrědła, a móžośo zmólkowe rozpšawy pisaś a pórěźenja zapódaś. Móžośo z dobreju zmólkoweju rozpšawu zachopiś abo se wšykne njerozwězane problemy za serwer AMO a bok na Github woglědaś.
- Cośo na addons.mozilla.org (AMO) ako porgraměrowaŕ sobu źěłaś? Cytajśo dokumentaciju dodankowych serwerow za drobnostki wó API, kótarež se pśez AMO a zastojnik dodankow wužywaju.
Jolic cośo sobu cyniś, ale njejsćo techniski nazgónity, maśo tśi móžnosći, aby pomagał:
- Wobźělśo se na našom forumje.
- Pišćo swójo měnjenje wó swójich nejlubšych dodankach. Wuwijarje dodankow zawěsće lubjej swóje dodanki pólěpšuju a nowe naporaju, gaž wěźe, až se wužywarje jich źěło waže.
- Dajśo swójim pśjaśelam a swójej familiji k wěsći, až Firefox jo malsny, wěsty wobglědowak, kótaryž jich priwatnosć šćita a až mógu jen z dodankami pśiměriś!
Aby se wó dalšnych móžnosćach informěrował, kak móžośo na zgromaźeństwje dodankow sobu źěłaś, woglědajsó se pšosym k našomu wikijoju.
Problem k wěsći daś
Jolic problem ze sedłom namakajośo, by my jen rady rozwězali. Pšosym pišćo zmólkowu rozpšawu a pódajśo tak wjele drobnostkow ako móžno.
Aby wěstotny problem za rozšyrjenje k wěsći dał, samo gaby było na toś tom sedle góspodowane, spišćo pšosym zmólkowu rozpšawu na Bugzilla abo sćelśo mejlku naamo-admins@mozilla.com. Wšykne rozpšawy wó wěstotnych problemach su dowěrliwe.
Pomoc dostaś
Jolic cośo wěcej wó tom zgóniś, kak móžośo dodanki w Firefox zastojaś, abo jadnorje pomoc wó Firefox trjebaśo, woglědajśo se k Support Mozilla. Joć tam wótegrono njenamakajośo, móžośo se na forumje našogo zgromaźeństwa pšašaś.
Informacije wó tom, kak móžośo se z teamom dodankow Mozilla do zwiska stajiś, namakajośo how.